URB – Uniun da las Rumantschas

e dals Rumantschs en la Bassa

Inscunter interrumantsch –
1. da settember 2016

L’ultim inscunter interrumantsch ha gì lieu la gievgia, il 1. da settember 2016 en l'hotel Kreuz - Hodlersaal, Zeughausstrasse 41 a Berna.

Las Rumantschas ed ils Rumantschs da Turitg e conturns, dalunsch e damanaivel, èn stads cordialmain envidads.

Il giast da la saira è stà «La Triada». En il program da la Triada schuschuri, chanti, sgulatschi ed el tuna uschè particularmain bain ch'ins sa senta sco davos il banc-pigna da la tatta! Corin Curschellas, Astrid Alexandre ed Ursina Giger dattan nova traglischur a veglias chanzuns popularas rumantschas cun ritmus esters, tuns nunspetgads ed elements or dad autras culturas e dad auters stils. Las trais musicistas filan vinavant il fil da la tradiziun musicala e fan cun lur differentas ragischs musicalas tarschola cun el. Purtà vegn il program da las vuschs magnificas – e da nagut auter!


dapli...

turnar enavos