URB – Uniun da las Rumantschas

e dals Rumantschs en la Bassa

Allegra e bainvegni sin nossa pagina d’internet


L’URB, fundada l’on 1991 è ina uniun affiliada a la Lia Rumantscha che represchenta la Svizra rumantscha en la diaspora. Nus vulain gidar a commembers e a nossas uniuns, chors e gruppas libras a mantegnair lingua e cultura era ordaifer il chantun Grischun. Ina finamira impurtanta è era da sustegnair e unir rumantschas e rumantschs da tut ils idioms cun organisar periodicamain INSCUNTERS INTERRUMANTSCHS e las sentupadas TAVULIN.

Igl onn 2020 vegn era en las annalas da l'URB ad haver ina muntada plitost negativa. - Muort la pandemia CORONAVIRUS che ha priu si'entschatta en Svizzra la fin fevrer 2020 han tut las occurenzas planisadas stuiu vegnir annuladas entochen suenter las vacanzas da stad. Oz ei aunc buc segir tgei che vegn ad esser pusseivel ils davos quater meins digl onn 2020.

Igl ei legreivel ch'era la Rumantschia ei stada vinavon activa e quei surtut en fuorma digitala. Multiplas sesidas da suprastonza sco era las occurenzas dil Colloqui Rumantsch a l'Universitatd populara da Turitg ein vegnidas realisadas da maniera digitala (cunferenza video). Quellas experienzas ha ei num d'analisar e ponderar tgei pusseivladads ellas porschan a nus per il futur.

La suprastonza URB engrazia a Vus per Vossa capientscha e Vies sustegn en quei temps da crisa e giavischa a Vus vinavon tut bien ed avon tut sanadad e beinstar per il proxim temps da stad.

Cordials salids e bien engraziament per vossa confidonza,

Roman Pfister, president URB

Matg 2020

 

 

LINK per emissiun RTR: Il DRG e las lavurs da digitalisaziun en China

https://www.rtr.ch/play/tv/cuntrasts/video/made-in-china---la-digitalisaziun-dal-dicziunari-rumantsch-grischun?id=81f92140-875d-4601-96dc-b35799979be4

 

Spievel da las medias da 100 onns Lia Rumantscha / Medienspiegel von 100onns Lia Rumantscha

https://www.100onns.ch/medien