URB – Uniun da las Rumantschas

e dals Rumantschs en la Bassa

Allegra e bainvegni sin nossa pagina d’internet


L’URB, fundada l’on 1991 è ina uniun affiliada a la Lia Rumantscha che represchenta - ensemen cun autras uniuns - la Svizra rumantscha en la diaspora. Igl onn 2021 havein nus festivau en moda modesta ils 30 onns d'existenza a caschun da la radunanza annuala dils 16 d'october a Turitg. - Nus vulain vinavon sustener il commembradi da noss'uniun, dals chors e gruppas libras a mantegnair lingua e cultura era ordaifer il chantun Grischun. Ina finamira impurtanta è era da sustegnair e unir rumantschas e rumantschs da tut ils idioms cun organisar periodicamain INSCUNTERS INTERRUMANTSCHS e las sentupadas TAVULIN. Ig onn 2023 essan nus sengaschai cun prioritad a la realisaziun da l'applicaziun CHALENDER.CH. Quella lubescha a mintgin da publicar ed abunar infurmaziuns davart occurrenzas rumantschas. Duront il meins mars 2024 vegn l'applicaziun operativa. *)

La suprastonza URB engrazia a Vus per Vossa capientscha, Vies interess e sustegn e giavischa a Vus vinavon tut bien, sanadad e beinstar.

Cordials salids, bien engraziament per Vossa confidonza e sin seveser beingleiti,

Roman Pfister, president URB

*) Il RAPPORT ANNUAL da la Lia Rumantscha cuntegn mintgamai era ils rapports da las uniuns affiladas.
 

 

INSCUNTER INTERRUMANTSCH DIGITAL

Nies INSCUNTER
 DIGITAL dils 23 da mars 2021 cun il DUO LIEBESTOLL - "Tuot on november" (Marietta Jemmi & Nathan Schocher) saveis Vus era visunar sin la plattafuorma da YouTube. Il LINK aschuntau meina Vus directamein sin il canal corrispundent. Il tun stueis Vus reglar sin il maximum...!

LINK: https://www.youtube.com/watch?v=I8CeAWwv_fU

 

INSCUNTER INTERRUMANTSCH DIGITAL dils 27-05-2021 (PROGRAM)
L'occurenza havein nus registrau e silsuenter publicau sin YouTube. Tgi che ha interess sa visualisal quella cun cliccar il LINK indicau cheu giusut.

LINKhttps://youtu.be/zRoG52GoGeY?t=1 

 

INSCUNTER INTERUMANTSCH DIGITAL dils 3 da fevrer 2022

"Richard Coray - Il construider da punts piarsas da Trin"
Johann Clopath da Trin ha presentau sia grond'ovra davart il enconuschent pionier da punts piarsas.
Cun il LINK cheu giusut haveis Vus la pusseivladad visualisar igl interessant Inscunter tenor Vies temps ed interess...!

LINK
https://www.youtube.com/watch?v=bU5Zna8d8Ac

 
 

www.facebook.com/uniun-urb